Эрүүл мэндийн сайд асан Н.Хүрэлбаатарыг авлига авсан, мөнгө угаасан байж болзошгүй гэсэн үндэслэлээр УМБГ-аас эрүүгийн хэрэг үүсгэн, цагдан хориод байгаа. Н.Хүрэлбаатарыг Сингапураас ирэхээс өмнө түүний хүү болох Х.Энхбат, иргэн Б нарын хүмүүсийг сейфтэй мөнгөний хэрэгт холбогдуулан цагдан хориод байсан юм.

Зарим хэвлэлээр Н.Хүрэлбаатарыг батлан даалтад  гаргасан гэх мэдээлэл гарсан ч албаны эх сурвалжууд үүнийг үгүйсгэж байна. Харин түүний хүү гэгдэх Х.Энхбат нарын хүмүүсийг батлан даалтад гаргасан бололтой. Түүнчлэн ЭМЯ-ны Төрийн нарийн бичгийн даргаар ажиллаж байсан Н.Түмэндэмбэрэл нарын хэрэгт холбогдсон хүмүүсийг батлан даалтад гаргаж, Н.Түмэндэмбэрэлийг үргэлжлүүлэн хорихоор болсон гэх мэдээллийг албаны хүмүүс өгч байна.