Монгол Улсын Ерөнхийлөгчийн сонгуульд гадаад дахь монголчууд хоёр өдрийн турш саналаа өгч дууссан билээ. Нийт 6233 сонгогчоос 4248 сонгогч саналаа өгсөн бөгөөд Софи, Оттова, Кызыл, Гаванна зэрэг хотын бүртгүүлсэн иргэд 100 хувийн ирцтэйгээр саналаа өгсөн байна.

СЕХ болон гадаад дахь иргэдийн санал авах ажлын зохион байгуулах комиссоос “Энэ удаагийн сонгуульд гадаадад байгаа монголчууд идэвхитэй оролцлоо. УИХ-ын сонгуулийг бодвол нэг дахин их сонгогч саналаа өглөө. Зарим хотуудад 100 хувийн ирцтэйгээр санал өгсөн нь дэвшилттэй зүйл болж байна” гэсэн юм.