Унгарын парламент энэ сарын 18-нд тус орны  шинэ Үндсэн хуулийг баталсан тухай Agence France-Presse мэдээлж байна. Шинэ хууль ирэх орны нэгдүгээр сарын 1-нээс хүчин төгөлдөр болох ажээ.

“Йоббик” намын парламентын жигүүрийнхэн. Фото: AFP

Үндсэн хуулийг өөрчлөхөөр 262 депутат санал өгч, 44 хүн эсрэг байлаа. Унгарын Иргэний холбоо гэх эрх баригч нам шинэ хуулийг дэмжлээ. Түүний эсрэг хэт барууны “Йоббик” (“Шилдэг унгарын төлөө”) нам байлаа. Тэд шинэ Үнд­­сэн хуулиас тэнцвэржүүлэх механизм алга болсныг эсэргүүцэж байна.

Шинэ Үндсэн хуулинд Унгарын ард түмнийг “бурхан ба христийн шашин нэгтгэнэ” гэж өгүүлсэн байна. Төр амьдралыг хамгаалах үүрэгтэй, амьдрал нь үр тогтсоноор эхэлнэ гэж өгүүлжээ. Энэ заалтаар шинэ хууль үр хөндөхийг хориглож байна. Шүүмжлэгчид дээрх заалт нь сексийн цөөнх болон бусад шүтлэгтнүүдийг ялгаварласан утга­тай гэж үзэж байгаа ажээ. Мөн хуу­линд төрийн өр ДНБ-ий талаас буу­р­тал төсөв ба гааль, татварын бод­логотой холбоотой ямар нэгэн шийд­вэр гаргахыг Үндсэн хуулийн  шүү­хэд зөвшөөрөхгүй заалтыг оруулжээ.