Гуравхан сарын өмнө хүүгээ төрүүлсэн загвар өмсөгч Miranda Kerr “Victoria"s Secret”-ын шинэ сурталчилгаанд зургаа авахуулжээ. Зураг авалт өнгөрсөн ням гаригт  Калифорнид болсон ба хар бикини өмссөн Miranda Kerr яг л хуучин шигээ галбиртай гарсан байна. Түүний гэдэс болон хөх хүүхэд төрүүлэхээс өмнө ямар байсан яг хэвээрээ. Үнэхээр гайхалтай.

Ийм богино хугацаанд яаж хэвийн жиндээ хүрсэн тухай түүнээс People сэтгүүлийн сурвалжлагч асуухад “Энэ бол маш хүнд хөдөлмөр. Хүн өдөр бүр гоо сайхан, биеийн галбиртаа анхаарч байх хэрэгтэй. Би төрөөд гурав хоноод л дасгал хийж эхэлсэн. Мөн иогоор тууштай хичээллэдэг. Маш их тэвчээр, хөдөлмөр зарцуулж байж би хэвийн жиндээ орсон” хэмээн ярьсан байна.

Түүнийг “Карибын тэнгисийн дээрэмчин” киноны од Orlando Bloom-ын эхнэр гэдгийг хүмүүс андахгүй сайн мэднэ. Загвартаа эргэн ирэхэд түүний нөхөр Orlando тийм ч дуртай байгаагүй ба гэр бүлдээ их цаг зарцуулж байхыг түүнээс хүссэн тухай тэрбээр мөн дурьджээ.