Самбо бөхийн насанд хүрэгчдийн улсын аварга шалгаруулах 41 дэх удаагийн тэмцээн өнөөдөр Буянт-Ухаа дахь Спортын шинэ ордонд эхэллээ. Энэ жилийн улсын аваргад 20 гаруй байгууллагын 200 орчим тамирчин эрэгтэй, эмэгтэй тус бүр есөн жинд өрсөлдөж байна. Тэмцээн өнөөдөр, маргааш хоёр өдөр үргэлжилж, самбо бөхийн улсын аваргууд тодрох юм.

Дашрамд сонирхуулахад, Монгол Улсын Хөдөлмөрийн баатар, Гавьяат тамирчин Х.Цагаанбаатар, Гавьяат тамирчин М.Бундмаа, ОХУМ П.Лхамдэгд, Д.Төмөрхүлэг тэргүүтэй жүдо бөхийн үндэсний шигшээ багийн тамирчид самбын улсын аваргад хүч үзэж байна.