“Онцгой нэгэн” буюу Португалын мэргэжилтэн Жозе Моуриньо Английн “Челси” багт албан ёсоор ирсний дараа “Би маш их аз жаргалтай” байна гэж хэвлэлийн бага хурлын үеэр сэтгүүлчдэд ярьжээ. Лондоны “Цэнхрүүд”-тэй 2017 он хүртэл гэрээ байгуулсан Жозе Моуриньо: “Цаг хугацаа маш хурдан өнгөрчээ. “Челси” багаас явж байсан минь өчигдөрхөн мэт санагдаж байна. Энд би олон зүйл ярихыг хүсэхгүй байна. Би маш их аз жаргалтай байна гэжээ.

Харин Английн сэтгүүлчид Жозе Моуриньогоос Испанийн хөлбөмбөг, “Эл класико”-д олон гоолоор хожигдсоныг нь асуухад, -Тиймээ. Испанийн хөлбөмбөг халуун уур амьсгал дор явагддаг. Би “Барса”-г “Камп Ноу” цэнгэлдэхэд нь Испанийн Супер цомын тэмцээнд буулган авсан. Мөн өнгөрсөн жил Испанийн “Ла лиг”-т 100 оноотойгоор “Реал”-ыг түрүүлүүлсэн. Сүүлийн жилүүдэд “Аваргуудын лиг”-ийн тэмцээнд муу тоглож байсан “Реал”-ыг шөвгийн дөрөвт дараалан үлдээснийг та бүхэн мартаагүй байх аа гэж найдаж байна хэмээн хариулсан байна. 

Жозе Моуриньо “Челси”-д ирснийхээ дараа Фернандо Торрес, Хуан Мата, Дэмба Ба нарыг зарна гэдгээ мэдэгдээд байна.