Чихэвчний үйлдвэрлэлээрээ алдартай Bose компани шинэ технологи бүхий шуугиан дарагчтай чихэвчээ худалдаанд гаргалаа.

Уг чихэвч нь танд дуу хөгжмийн цэвэр тунгалаг дуугаралтыг хаа ч явсан мэдрүүлэх ба хичнээн олон цаг сонссон ч таны чихний хэнгэрэгийг гэмтээхгүйгээрээ давуу талтай.

QuietComfort 20 нэртэй уг чихэвчээр дуу хөгжим сонсохоос гар утсандаа холбоод яриа хийх боломжтой микрофон болон хянах товчлууртай. Android, Windows Phone 8 болон BlackBerry-гийн ухаалаг гар утаснуудад тохирно.

Харин iPhone, iPad and iPod-той бол QuietComfort 20i нэртэй чихэвчийг нь аваарай. Энэхүү чихэвчийг энэ зун худалдаанд гаргах ба 299.95 ам.долларын үнэтэй байх аж.