Хаврын чуулган эхэлснээс хойш улс төрийн амьдрал эр­­чимжиж эхэллээ. Ажлаа та­­раад гэртээ ирсэн хэн бү­хэн телевизийнхээ өмнө тух­­лан улс оронд юу болж бай­­гааг сонирхдог. Гэтэл өөрс­­дийн амьдралд хэрэгтэй мэ­дээлэл авахаасаа илүүтэй на­мууд хоо­рондын маргаан, улс­төрч­дийн атаа, жөтөө мэ­тийн хэ­рүүлийн шинж чанартай хов живийг л үзэх болсон. Тиймээс телевизээр хэ­дэн хүний тэнэгтэхийг үзэж бай­хаар зүгээр л өөрсдөө нам эсвэл иргэний хөдөлгөөн бай­гуулчихвал яасан юм бэ. Аав, ээж, ах, дүү, найз нөхөд, ойр болон холын хамаатнууд гээд л эргэн тойрныхныхоо гарын үсгийг яаж ийж цуг­луулаад 801 хүргэчихвэл ч нам байгуулах эрх бидэнд нээлттэй болно. За тэгээд үйл ажиллагааны чиглэл, зорилго, нэр, туг, далбаа,  ажилтан, дэм­жигч энэ тэрээ өөрийн хүс­сэнээрээ сон­гочихно. Тун амархан.

Улстөрчдөд хэдэн гашуун үг хэлээд хэвлэл, мэдээллийн хэрэгслээр өөрийгөө суртал­чилж, олны танил болчихвол са­на­сандаа хүрэх нь тэр. “Хам­тарсан Засгийн газар огцор”, “С.Батболд огцор”, “Ард­чилсан нам Ардын на­мын “өвөр”-өөс гар” гэсэн хатуухан үгтэй хэдэн лоозон хямд үнээр хэвлүүлчихнэ. Бүр болж өгөхгүй бол “Биднийг чиглэсэн улс төрийн шахалт ихэсч байна. Бид ард түмний төлөө тэмцэж байгаа учраас ард түмэн биднийг хамгаална. Ард түмнээсээ хамгаалалт хүсч байна” гээд дахиад нэг хэвлэлийн бага хурал хийхэд л хангалттай. Хүмүүс нам байгуулж, карьер хөөж болоод байхад бид яагаад болохгүй гэж. Үзээд алдана аа.

Өчигдөр гэхэд Монгол хүний төлөөх нам гэдэг нэртэй нам үүдээ нээж, өрхөө татсанаа зарласан. Тэд УИХ-ын 2012 оны сонгуульд өрсөлдөж, най­ман хүнтэй бүлэг байгуулах хэмжээнд ялалт байгуулна гэдэгтээ итгэлтэй байгаа гэнэ. Гол зорилго нь монгол хүний төлөө ажиллах. Сайн, муугаар хэлүүлээд байгаа одоогийн аль ч нам монгол хүний тө­лөө ажиллаагүй гэдгийг тод тодотгоод өөрсдөө л түүнийг хийж чадна гэсэн.

Зорилго нь гоё ч гэсэн бид­нийг хуурчихвал яана. Итгэ­хэд хэцүү шүү дээ. Ингэж нам байгуулах дуртай улстөрчдөд хууртаж байхаар дээр хэлсэн санаагаа өөрөө л хэрэгжүүлье. Хэн нэгэнд хууртагдаж тэнэг царайлж байхаар цэцэн юм шиг харагдсан нь надад, танд, бүгдэд нь ашигтай. Намаа албан ёсоор бүртгүүлчихээд албан ёсоор саналаа хэлнэ ээ. Тэр үед итгэлээ алдаж тоглуулах эсэхээ сонгогч та өөрөө мэдээрэй. Би тоглох дуртай гэдгээ нуухгүй ээ.