Алдарт “The Rolling Stones” хамтлаг ирэх долдугаар сард Лондон хотын “Hyde Park”-т зохион байгуулах зуны задгай шоу тоглолтдоо дуучин Аделийг урьжээ. “British Summer Time” нэртэй уг тоглолт ирэх сарын зургаан, 13-н гэсэн хоёр өдөр зохион байгуулагдах аж. Энэ тухайгаа хамтлагийн гишүүд “Бид бүгдээрээ Аделийн фэнүүд. Тэр тоглолтын үеэрх хамгийн хүндтэй зочин байх болно” хэмээн “The Sun”-д ярьжээ.  Харин домогт роккеруудаас урилга хүлээн авсан Адель ямар хариу өгсөн нь одоогоор тодорхойгүй байна. Хэрвээ тэрээр “The Rolling Stones”-ийн тоглолтод оролцохыг зөвшөөрвөл “British Summer Time”-ийн үзэгчдэд хамгийн том сюрприз болох бололтой.

Сонирхуулахад, “The Rolling Stones” өнгөрөгч баасан гаригт Чикагод хийсэн тоглолтдоо дуучин Шерил Коулийг урьсан бол Лондонд хийсэн тоглолтдоо Лэди Гага, Флоренс Уэлч, Фалома Фейт нарыг урьжээ.