Засгийн газраас 2011 оныг “Хөдөрмөр эрхлэлтийг дэмжих жил” болгон зарласантай холбогдуулан голлох салбаруудад шинээр бий болох ажлын байрны тоог гаргажээ. Хамгийн олон ажлын байр бүрдүүлж байгаа салбар уул уурхай гэдгийг хөдөлмөрийн биржийхэн онцолж буй. Уг салбараас нийт 11 мянга гаруй ажлын байр шинээр бий болох боломжтой гэнэ. Тухайлбал, нүүрсний салбарт 1846, газрын тосны салбарт 400 гаруй, бусад уул уурхайн төслүүдийн хүрээнд 8509 ажлын байранд боловсон хүчин авах захиалга ирүүлжээ. Харин энэ салбарт жилд 5000 гаруй боловсон хүчнийг бэлтгэдэг аж.