ОБЕГ-ын дарга асан, генерал П.Даш, Улсын нөөц бүрдүүлэлтийн газрын дарга Л.Алтангэрэл нарыг албан тушаалаа урвуулан ашиглаж улсад их хэмжээний хохирол учруулсан, хувьдаа завшсан гэх хэргийг хууль хяналтын байгууллагынхан олон жил шалгаж байгаа.

Уг нь эл хэргийг гурван шатны шүүхээр эцэслэн шийдсэн бөгөөд түүний үйлдсэн гэх хэргийг Өршөөлийн тухай хуульд хамруулсан юм. Гэвч тэрбээр өөрийгөө гэмт хэрэг хийгээгүй хэмээж улмаар нэр төрөө сэргээлгэнэ хэмээн шүүхэд дахин гомдол гаргасан. Тэрбээр энэ гомдлоо Дээд шүүхэд гаргасан бөгөөд ингэхдээ нийт шүүгчдийн хуралдаанаар хэргийг хэлэлцүүлэх хүсэлт тавиад байсан юм. Тэгвэл Дээд шүүхийн ерөнхий шүүгч энэ гомдлыг нийт шүүгчдийн хуралдаанаар хэлэлцүүлэх үндэслэлгүй гэсэн хариултыг өгчээ.