БЗДХалдварт өвчин Дархан-Уул аймгийн тулгамдсан асуудлын нэг мөн. Дархан-Уул аймагт БЗДХ өвчин тэр дундаа тэмбүүгийн өвчлөл улсын дунджаас 4,5 промилоор өндөр байна. БЗДХ өвчин хувь хүний зан үйлтэй холбоотой. Иймд тухайн хүний зан үйлтэй холбож үзэхээс аргагүй юм. Иймд аймгийн ЭМГ-аас өсвөр насныханд хандсан эрүүл зан үйлийн талаар сургалт, мэдээллийг түлхүү хийж байна хэмээн аймгийн ЭМГ-ын БЗДХ-ын эмч Г.Туул "Эрүүл мэнд -Иргэн таны оролцоо" нээлттэй хэлэлцүүлэгт оролцогчдод мэдээллээ.

Дархан-уул аймагт 10 жилийн сурагчид ХДХВ-ээр өвдсөн гэх мэдээлэл нь ташаа мэдээлэл болохыг тэрээр онцолсон юм.

Хяналтаас гарсан ямар нэгэн асуудал байхгүй гэв. ХДХВ –ын халдвар Дархан-Уул аймагт 2007 онд бүртгэгдэж байснаас хойш өнөөдрийн байдлаар ХДХВ-ийн халдвартай долоон иргэн байдаг байна. Үүний 28,5 хувь нь эмэгтэйчүүд, 71,5 хувь нь эрэгтэйчүүд юм байна. Халдвартай долоон хүний тав нь ДОХ-ын шатанд шилжсэн эмчлүүлж байгаа аж.