Өвөрхангай аймгийн Ганданпунцоглин хийд өнгөрөгч арваннэгдүгээр сард хорь гаруй бурхан алдагдсан хэргийг Эрүүгийн цагдаагийн газрын ажилтнууд  илрүүлэхээр ажиллаж байгаа юм. Бурхад хулгайлсан этгүүдүүдийг илрүүлсэн эсэхийг  Цагдаагийн ерөнхий газрын Хэвлэл мэдээллийн албаны дарга хурандаа Т.Сайнжаргалаас тодрууллаа.

–Өвөрхангай аймгийн сүм  хийдээс алдагдсан бурхад олсон уу?

-Өвөрхангай аймгийн Арвайхээр суманд оршин суух  Р гэрээсээ  өнгөрөгч гуравдугаар сарын 27-ны өдөр Бурхан багш, Цагаан дарь эх, Ногоон дарь эх, Очир зэрэг нийт 70 гаруй сая төгрөгийн үнэ бүхий эртний үнэт эдлэл алдсаныг  ЭЦГ-ын ажилтнууд шуурхай илрүүлсэн. Дээрх  гэмт хэргийг  нэгэн их сургуулийн оюутан Б бусадтай бүлэглэн үйлдсэн болохыг  нотлох баримтаар тогтоож, одоогоор эрүүгийн хэрэг үүсгэн шалгаж эхэлсэн гэсэн мэдээлэл байна гэх хариултыг өглөө.