Sony Ericsson компани Walkman цувралын цоо шинэ загвар W15 Android смартфоныг удахгүй танилцуулах гэж байна. Тус компанийн W15 загварын смартфон нь өмнөх загвах болох Xperia X8-тай тун төстэй болсон тухай эх сурвалжууд мэдээлжээ.

W15-ийн ерөнхий эд ангийн хувьд гурван инчийн хэмжээтэй HVGA мэдрэгчтэй дэлгэц, 3,2 мегапикселийн камер, 600 мегагерцийн хүчин чадалтай процессор, тусгай хөгжмийн чип зэрэгтэй бөгөөд Walkman-ийн онцгой содон аппликэйшнүүдийг суулгаж өгчээ. Харин Android үйлдлийн системийн талаар дэлгэрэншүй мэдээллийг хараахан дэлгээгүй байна. Үйлдвэрлэгчид энэхүү гар утсыг дөрөвдүгээр сарын сүүл эсвэл тавдугаар сарын эхээр худалдаанд гаргаж эхлэхээр төлөвлөжээ.