Америкийн хамгийн олон үзэгчтэй “Америкийн шүтээн” шоуны 12 дахь улирлын шоуны ялагчид тодорч, 23 настай Кэндис Гловер гэгч бүсгүй гран-при шагнал хүртсэн. Шагналын сан өндөр төдийгүй авьяасаараа ялгарч чадсан оролцогчдын уран бүтээлийн замналыг эхлүүлж, олонд таниулдаг. Шилдэг оролцогчид ч хэдийнэ томоохон студиудтэй гэрээ хийж эхэлсэн байна.

Тэдний нэг, 12 дахь цувралын гуравдугаар байрын шагналт, 19 настай Энги Миллер “Universal Music”-тэй хамтран ажиллахаар нэг жилийн хугацаатай гэрээ байгуулжээ. Харин тэмцээний тэргүүн байрын шагналт оролцогч Кэндисе  аль хэдийнэ анхны цомгоо фэнүүдийнхээ хүртээл болгох тухайгаа албан ёсоор мэдэгдээд байгаа.

“Universal Music”-тай өмнө нь мөн “Америкийн шүтээн”-ий Филлипс, Жессика  нарын өмнөх улирлын оролцогчид гэрээ байгуулж байжээ.