Египетийн хамгаалалтын цэргүүд Синайн хойгт микро автобусаар зорчиж яваад зэвсэгт этгээдүүдэд барьцаалагджээ. Египетийн албаныхны мэдээлснээр Синайн хойгийн эль-Ариш хотод Египетийн цагдаагийн гурван ажилтан, дөрвөн цэргийн хамтаар зэвсэгт этгээдүүдэд барьцаалагдсан аж. Барьцаалагчдын зүгээс Египетийн цэргүүдийг шоронд хоригдож байгаа өөрсдийн төрөл төрөгсдөөрөө солилцоо хийх санал тавьсан гэнэ. Одоогоор Египетийн албаныхны зүгээс илүү дэлгэрэнгүй мэдээлэл хийгээгүй байна.

Египетийн нутаг дэвсгэр дэх Синайн хойгийн бүс нутаг нь экс Ерөнхийлөгч Хосни Мубаракаас хойш хяналтаас гарч, хууль дүрэмд захирагдаа больсоор байгаа аж.