Европын хөлбөмбөгийн холбооны Европа лигийн шигшээ тоглолт өнгөрсөн шөнө Нидерландын нийслэл Амстердам хотын “Амстердам Арена” цэнгэлдэхэд болж, Английн “Челси” клуб Португалийн “Бенфика”-г 2:1 харьцаатай буулган авснаар аваргын цом өргөлөө. Түүхэндээ анх удаа өнгөрсөн жил Аваргуудын лигийн түрүү хүртсэн Лондонгийн “Цэнхрүүд” энэ улиралд Аваргуудын лигийг эрт орхисон ч ийнхүү Европа лигийн цом хүртэв.

Шигшээ тоглолтын 60 дахь минутад Фернандо Торрес гоолдож, тооны харьцааг нээсэн ч 68 дахь минутад “Бенфика”-гийн Кардозо тэнцээний гоолыг оруулжээ. Ингээд шүүгчийн мэдлийн 90+3 минутад Иванович хожлын гоол оруулснаар “Челси” тоглолтын эцсийн мөчид ялалт байгуулжээ.