Холливудын залуухан, авьяаслаг дуучин бүсгүй Селена Гомез удахгүй дүүтэй болох гэж буй тухайгаа твиттертээ бичжээ. Нэртэй одын удахгүй мэндлэх дүү нь түүний ээж Мэнди болон түүний одоогийн нөхөр Брайн  нарын анхны хүүхэд гэнэ.

Селена жил бүр уламжлал болгон тэмдэглэдэг “Ээжүүдийн өдөр”-өөр ийнхүү гэр бүлийнхээ баярт мэдээг фэнүүддээ дуулгахыг хүссэн бололтой. Тэрээр хөл хүнд ээжтэйгээ хамт авхуулсан гэрэл зургаа твиттертээ тавьж, ээждээ хайртай хэмээн жиргэжээ. Селенаг таван настай байхад  ээж нь одоогийн нөхөр Брайнтай хуримлаж байсан аж.