Хэрэглээний үнийн улсын индексээр илэрхийлсэн улсын инфляци дөрөвдүгээр сард өмнөх сарынхаас 1.1 хувь, оны эхнээс 4.8 хувь, жилийн өмнөхөөс 10.4 хувиар өссөн тухай Үндэсний статистикийн хорооноос мэдээллээ. Энэ өсөлтөд хүнсний бараа, ундаа, усны үнэ 2.7 хувь, үүний дотор мах, махан бүтээгдэхүүний үнэ 6.0 хувиар өссөн нь голлон нөлөөлсөн байна. Ийнхүү инфляцийн төвшинг тогтоохдоо 330 гаруй өргөн хэрэглээний бараа, бүтээгдэхүүний үнийн өсөлт, бууралтаар хэмждэг ажээ.