Монголын киночид гурав дахь жилдээ үндэсний кино урлагийн академийн дээд шагнал “Academy Awards” кино наадмаа хийх гэж байна. Тус наадам Монголын кино урлагийг хөгжүүлэх, дэлхийн тавцанд гаргах, нийгэмд соёл урлагаар үйлчлэх, гоо зүйн боловсрол олгох, киноны чиг хандлагыг зөв тодорхойлох, болон  уран бүтээлчдийг дэмжин урамшуулах, чанаржуулах зорилготой юм. Энэ жилийн “Academy Awards” кино наадам 18 төрлөөр нэр дэвшигчдийг бүртгэжээ. Уг наадамд уран сайхны, баримтат, богино хэмжээний кино гээд нийт 25 уран бүтээл 18 номинацийн төлөө өрсөлдөж байна. Энэ жилийн наадам нэр дэвшиж буй бүтээлүүдийн хүрээнд “Фестивалийн киноны премьер” буюу тухайн киног улаан хивсний ёслолоор дахин нээн үзэгчдийг уран бүтээлчидтэй уулзуулан дэлгэцнээ гаргах гэж буйгаараа онцлог юм. Өмнө жилүүдэд наадмын бүтээлийг зөвхөн шүүгчдийн бүрэлдэхүүн хаалттай үзлэг хийж, шалгаруулдаг байсан бол энэ жилээс эхлэн  үзэгчдийн хамт шүүх нь ээ. Мөн наадмын хүрээнд энэ сарын 10-нд буюу маргааш 16.00-19.00 цагийн хооронд УИД-ийн хоёрдугаар давхарт “Flash mob”-ыг зохион байгуулах юм. Түүнчлэн “Academy Awards 2013” кино наадмын нээлтийн үдэшлэг энэ сарын 12-нд 20.30-д “VEGAS” клубт болох аж.

“Academy Awards 2013”-т нэр дэвшсэн бүтээлүүдийг танилцуулъя:

• “Дүүлэн нис” – “Doz entertainment”
• “Хоёулаа унтах уу” – “ZMN” болон Монгол фильм группийн хамтын бүтээл
• “Шөнө дундын яриа” – “Очир фильм” студи
• “Тавилан-2” – “FRIENDS & BROTHERS FILM”
• “Улаан дөрвөлжин” – “Хамба” фильм студи
• “Дурлалын гэмт хэрэг” – “LVA entertainment” “Absolute Pictures” болон “Logic Film”
• “Аравт” – “Монгол фильм” групп, Өвөрмонголын “Нүүдэл соёл” компани
• “Ану хатан” – “Шүүдэр” продакшн
• “Big Fish” – “Dash film”
• “Ерөнхийлөгчийн туслах” – “Шинэ ертөнц” продакшн

Баримтат киноны төрөлд:

• “Хоёр тоосго” Б.Амарсайхан
• “Амьдрал” О.Анхбаяр
• “Нэрийг минь хэлж өгөөч” н.Хүрэлхүү
• “Цэрэг эрийг мартаагүй” Г.Золжаргал
• “Иранд өнгөрүүлсэн 190 хоног” н.Баатарнум
• “Төсөөлөл” н.Баттөмөр

“Short film”-д

• “Нар” Э.Гантөр
• “Өнгө” Э.Гантөр
• “Терминал” н.Өлзийбуян
• “Эргэх холбоо” н.Өлзийбуян
• “Амингоо” Ц.Амартүвшин
• “Сайн уу” Д.Тэмүүлэн
• “Намайг төрүүлээч ээж ээ” Э.Мөнх-Ирээдүй
• “Сүүлчийн зоог” “Оюунлаг” продакшн
• “Бүтээгч шүүмжлэгч” “Оюунлаг” продакшн

“Үүрд хамт байгаач ээж ээ”, “Оюунлаг” продакшны бүтээлүүд дараах 18 номинацийн төлөө өрсөлдөж байна. Үүнд:

1. Шилдэг кино – Best Picture
2. Шилдэг эрэгтэй дүр – Leading role actor
3. Шилдэг туслах эрэгтэй дүр – Supporting  role actor
4. Шилдэг эмэгтэй дүр – Leading role actress
5. Шилдэг туслах эмэгтэй дүр – Supporting  role actress
6. Шилдэг найруулагч – Directing
7. Шилдэг зураглаач – Cinematography
8. Шилдэг зураач – Art direction
9. Шилдэг хөгжим – Music original score
10. Шилдэг дуу – Music original song
11. Шилдэг монтаж – Editing
12. Шилдэг дууны найруулагч-Sound editing
13. Шилдэг зохиол – Writing screenplay
14. Шилдэг дүрсний эффект – Visual effects
15. Шилдэг нүүр будалт – Make up
16. Шилдэг баримтат кино – Documentary /feature/
17. Шилдэг хөрөнгө оруулагч – Best investor
18. Шилдэг богино хэмжээний кино – Short film

Дашрамд дуулгахад, энэ жилээс “Short film” буюу богино хэмжээний киноны номинаци нэмэгдсэнээр киноны уран бүтээлчид, сонирхогчид, оюутнууд оролцож, бүтээлээ үнэлүүлж, олны хүртээл болгох боломж нээгдэж байгаа юм.

Фестивалийн киноны премьерийн хуваарийг хүргэе:

Даваа гариг 05/13

13:00 “Ерөнхийлөгчийн туслах” УСК
15:00 “Аравт” УСК

Мягмар гариг 05/14

13:00 “Ану хатан” УСК
15:00 “Big fish цэвэрлэгээ” УСК

Лхавга гариг 05/15

13:00 “Улаан дөрвөлжин” УСК

Пүрэв гариг 05/16

19:30 “Academy Awards 2013” кино наадмын улаан хивсний ёслол  /УДЭТ-ын гадна талбай/

20:30 “Academy Awards 2013” кино наадмын шагнал гардуулах ёслол  /УДЭТ/

22:30 “Academy Awards 2013” кино наадмын хаалтын хүлээн авалт /Blue Sky Diamond/