Ливийн удирдагч Каддафи Триполи хотын гудамжаар машинтай яван олонд харагдлаа. Машины цувааг хурд багатай байхад хурандааг дэмжигч залуу Каддафийн машины хойд хаалганаас дүүжлэгдэн явж байгаад хурд нэмэх үед унан машинд нь дайрагджээ.

Телевизийн зураглалд машин донсолсныг харахад залуу хүнд гэмтэл авсан бололтой. Олон нийтэд жиипийн  дээврийн нээлхийгээр цээжээ гарган зогсч байсан Каддафи унасан залууг эргэн хараад өнгөрсөн байв. Цуваа зогсолгүй хөдөлгөөнөө үргэлжлүүлжээ. Залуугийн биеийн байдлын талаар ямар нэгэн мэдээлэл байхгүй байгаа.