АНУ-ын Делавар муж ижил хүйстнүүдийн гэрлэлтийг зөвшөөрсөн Нэгдсэн улсын 11 дэх муж, улс болсон байна. Үүнийг Делавар мужийн захирагч Жек Маркелл өнөөдөр ижил хүйстнүүдийн гэрлэлтийг зөвшөөрсөн хуульд гарын үсэг зурж баталгаажуулжээ.

Үүнээс өмнөхөн АНУ-ын Рөүд-Айленд муж ижил хүйстний гэрлэлтийг зөвшөөрсөн хуулийг батлаад байсан ба өнгөрсөн арваннэгдүгээр сард Мэн, Мэрилэнд, Вашингтон мужууд тус, тус ижил хүйстний гэрлэлтийг хуульчилаад байсан юм.

Эдгээрээс гадна АНУ-ын 50 муж, улсаас Массачусеттс, Вермонт, Нью-Хэмпшир, Коннектикут, Нью-Йорк, Айова зэрэг мужууд ижил хүйстнүүдийн гэрлэлтийг зөвшөөрсөн хуулийг батлаад байгаа юм байна.