АНУ-ын Калифорни мужид шинэхэн гэрлэсэн бүсгүй ганц бие бүсгүйн үдэшлэг хийж явахдаа тансаг лимузин дотроо дөрвөн найзынхаа хамт шатаж нас барсан хэрэг гарчээ. Калифорнийн цагдаагийн газраас мэдээлснээр лимузин дотор жолооч эрэгтэйгээс гадна есөн эмэгтэй зорчиж явсан бөгөөд лимузин Сан-Матео хотын гүүрэн дээр явж байхдаа гал авалзан шатсан аж. Харин галаас амь мултарсан дөрвөн эмэгтэй нь угаартаж, бага зэрэг түлэгдсэн гэмтэлтэйгээр эмнэлэгт хүргэгдсэн ба жолооч эрэгтэй ямар нэгэн гэмтэл аваагүй байна.  Одоогоор албаныхан лимузинд гал гарсан шалтгааныг тодруулахаар ажиллаж байгаа бөгөөд гал автомашины арын хэсгээс эхлэн гарчээ.

Хохирогч сүйт бүсгүйн нэгэн найзын мэдээлснээр тэрээр саяхан гэрлэсэн бөгөөд ирэх сард Филиппинд очиж, хоёр дахь удаагаа хуримын ёслол хийхийнхээ өмнө ганц бие бүсгүйн үдэшлэг зохиосон аж.