Британийн алдарт рокер, өдгөө 68 настай Род Стюарт байгалийн үзэсгэлэн цогцолсон ойн төгөлд тансаг харш худалдан авчээ. Түүний худалдан авсан харш Английн жижиг хот Эссекс дэх олон зууны түүхт Epping Forest-ийн ойролцоо оршдог төдийгүй сарнайн цэцэрлэг, засмал зүлэг, чимэглэн байгуулсан бяцхан цөөрөм, зочдод зориулсан тусгай жижиг байшин гээд Английн уламжлалт ихэс дээдсийн амьдралын өнгийг илтгэх аж.

Дотроо арван унтлагын өрөөтэй шинэ байшингаа Род 4.65 сая еврогоор худалдан авчээ. Тэрээр одоогоор эхнэр Пенни, долоон настай Аластайр болон хоёр настай Эйден хүүхдүүийнхээ хамт шинэ харшдаа тухлах аж. Родын гэр бүл Лос-Анжелест мөн том хэмжээний хувийн эдлэн, байшинтай гэнэ. “MailOnline”-д Родын хэвлэлийн төлөөлөгчийн мэдэгдсэнээр Род удахгүй  аялан тоглолтоо хийхээр төлөвлөж байгаа аж.