"Black zebra"-гийн бүтээл “Ларьдма” дэлгэцийн шинэ бүтээл өчигдөр нээлтээ хийлээ. Эмэгтэйчүүдийн хүчирхийллийн эсрэг хийгдсэн тус киноны зохиолыг кино зохиолч Д.Төрмөнх бичиж, найруулагчаар Ж.Сэнгэдорж ажиллажээ. Шинэхэн уран бүтээлээ өлгийдөн авч, үзэгчдэд толилуулсан энэ өдөр давхар баяр тохиосон нь киноны гол дүрд тоглосон жүжигчин, топ модельт Д.Пүрэвсүрэн Соёлын тэргүүний ажилтан цолоор шагнуулсан явдал байлаа.

Тэрээр загварын тайзнаа амжилт олохын сацуу үндсэн мэргэжил болох жүжигчнээр ажиллаж, “Гоёлын даашинз”, “Цасан охин”, “Боолын гэрээ”, “Мөнгөний гахай”, “Гэр” зэрэг хэд хэдэн дэлгэцийн бүтээлийн гол дүрд тоглосон билээ.