Монголын Залуучуудын Холбоо, “Залуу удирдагч” сан хамтран “Next Stop-2012” “Оны Залуу” улс төрч, эдийн засагч бизнесмен шалгаруулж, тус наадмыг 20 дах жилийн ойд сэргээн тэмдэглэсэн. Тэгвэл өнөөдөр “Оны Залуу”-гаар шалгарсан Нийгэм, улс төрийн салбарын “Оны залуу”, Хууль зүйн сайд Х.Тэмүүжин, Эдийн засаг, бизнесийн салбарын “Оны залуу”, Монголын бизнесийн зөвлөлийн дарга Б.Бямбасайхан нар Төрийн ордонд ганцхан удаа лекц уншина.

Дашрамд дурьдахад, 20 жилийн хугацаанд “Next stop” наадмаас 24 шилдэг улстөрч, эдийн засагч өргөмжлөгдсөн байна. Тодруулбал, шилдгээр Н.Золжаргал, Б.Батбаяр, Р.Амаржаргал, Б.Дэлгэрмаа, Х.Баттулга, Х.Хулан, Л.Болд, Э.Бат-Үүл, Б.Жаргалсайхан, Н.Энхбаяр, Д.Дорлигжав, Н.Алтанхуяг, Да.Ганболд, З.Энхболд, Ж.Үнэнбат, Н.Баяртсайхан, Ж.Оджаргал, П.Батсайхан Л.Гүндалай, Д.Баясгалан, М.Энхболд, О.Баяр, У.Барсболд нар шалгарч байжээ.