Германы нэрт загвар өмсөгчдийн нэг Хайди Клум өчигдөр Калифорнийн “West Hollywood”-д болсон үс арчилгааны бүтээгдэхүүн “Clear”-ийн  сурталчилгааны ажилд оролцжээ. Өдгөө 39 настай “Victoria"s Secret”-ийн од дэлхийд алдартай олон тансаг брэндүүдийг сурталчилдаг ч тэрээр энэ удаа үс арчилгааны брэндийн нүүр царай болох тухай эх сурвалжууд онцолсон байна.

“West Hollywood”-д болсон “Clear”-ийн сурталчилгааны арга хэмжээнд Хайдиагаас гадна залуу моделиуд мөн оролцжээ. Кино ертөнцөд хүртэл өөрийн карьейрийг эхлүүлсэн тэрээр өнгөрөгч гуравдугаар сараас эхлэн “Авъяаслаг Америкчууд” шоуны шинэ шүүгчээр ажиллаж  байгаа юм. Харин хувийн амьдралын хувьд Хайди өнгөрөгч оны есдүгээр сараас эхлэн өөрийн бие хамгаалагч байсан Мартин Кристинтэй болзож эхэлсэн байна.