Нийслэлийн Сонгинохайрхан дүүргийн 23 дугаар хороонд айлын гэр дээр тоосгон хана нурж, гэрт байсан хүн дарагдсан байна гэсэн дуудлага өчигдөр 16.40 цагийн орчимд НОБГ-ын Шуурхай удирдлагын төвийн 103 утсанд иржээ.

Дуудлагын дагуу Аврах шуурхай салбарын тасгийн алба хаагчид очиход, дөрвөн ханатай гэр дээр хажуугийн байшингийн тоосгон хашааны хана нурж, гэрт байсан 53 настай эрэгтэй дарагдаж, хоёр хөл нь гэмтсэн байжээ. Аврагчид түүнийг ГССҮТ-д хүргэсэн байна.