Японы алдарт Toshiba компани компьютерийн Kira нэртэй брэнд үүсгэж буйгаа зарлалаа. Уг брэндийн хамгийн анхны бүтээгдэхүүн нь Kirabook нэртэй лэптоп аж. Kirabook нь хэт нимгэн загвартай, 13.3 инчийн 2560 x 1440 дэлгэцтэй,1.17 кг жинтэй, ердөө 0.7 инчийн зузаантай. Windows 8 үйлдлийн системтэй.

Энэхүү лэптопын урьдчилсан захиалга ирэх сарын 3-наас эхлэх ба 12-ноос эхлэн томоохон онлайн дэлгүүрүүдээр худалдаалагдаж эхэлнэ.

Үнийн хувьд процессороосоо хамаарч Core i5-тай нь 1599, Core i7-той нь 1,999 ам.даллар байх юм байна.