МАН-ын Удирдах зөвлөл өчигдөр хуралдаж, Бага хурлынхаа товыг тогтжээ. Тодруулбал, тус нам Бага хурлаа ирэх тавдугаар сарын 4-нд хийхээр товлосон байна. Уг Бага хурлаар Ерөнхийлөгчийн сонгуульд нэр дэвшигчээ тодруулах юм байна.

Ардчилсан намын хувьд өнгөрсөн даваа гаригийн бүлгийн хуралдаанаасаа намынхаа Гүйцэтгэх зөвлөл болон Үндэсний зөвлөлдөх хорооны хурлыг тавдугаар сарын эхний 10 хоногт багтаан хийх нь зүйтэй хэмээн үзсэн билээ. Үндэсний зөвлөлдөх хорооны хуралдаанаас Ерөнхийлөгчийн сонгуульд нэр дэвшигч мөн тодорно. Тэгвэл МАХН-МҮАН-ын “Шударга ёс” эвслийнхний хувьд хараахан Бага хурлаа товлоогүй байна.