Нэрт жүжигчин Дуэйн Жонсон хэвлийн хөндийн мэс засалд оржээ. Тэрээр энэ сарын эхээр жүжигчин Жон Синатай нударга зөрүүлсний улмаас гэмтэл авч, мэс засал хийлгэхээс аргагүй болсон юм. Сина, Жонсон нар хоёул нэгэн цагт мэргэжлийн бөхийн спортоор хичээллэж байсан тамирчид гэдгийг фэнүүд нь андахгүй. Жонсон мэс засал амжилттай болсон талаар өнөөдөр твиттер хуудсандаа бичсэн бөгөөд биеийн байдал нь сайжирсны дараа Лос-Анжелост “Pain & Gain” хэмээх шинэ киноны зураг авалтад орохоор төлөвлөж байгаа аж.  

Хувийн амьдралын хувьд ноён Жонсон  2007 онд арван жилийн турш хамт амьдарсан эхнэр Дэни Гарсигаас салснаас хойш одоог хүртэл ганцаараа амьдарч байгаа гэнэ. Экс хосууд Александра хэмээх  нэг охинтой.