Шинэ олимпийн циклийн эхний он гарснаас хойш Монголд Азийн нэг бус аварга төрөв. Хамгийн анх Б.Сэр-Од марафоны төрөлд аваргалсан бол Т.Энхжаргал охин дугуйн төрлөөр тивийн шилдэг болсон билээ.

Өнгөрсөн долоо хоногт Тайландын нийслэл Бангкок хотноо болсон жүдо бөхийн ААШТ-нд Б.Төмөрхүлэг, Энэтхэгийн Нью Дели хотноо болсон чөлөөт бөхийн ААШТ-нд О.Насанбурмаа нар түрүүллээ. Цаашдаа олон тив, дэлхийн аварга энэ жил төрнө гэдэгт итгэлтэй байна.