Аймгийн Нийгмийн
даатгалын хэлтсээс эрхлэн сумдын малчдын хотонд очиж малчдыг нийгмийн даатгалд
хамруулах ажлыг дөрвөн суманд зэрэг
эхлэв. Тус хэлтсийн байцаагчид хөдөөгийн гурван сумыг зорихын өмнө орон нутгийн хэвлэл
мэдээллийн байгууллагуудын
сэтгүүлчдийг урьж энэ
тухай мэдээлэл хийсэн юм. Улсын НДЕГ-аас нийгмийн даатгалтай малчин шалгаруулах уралдааныг орон
даяар зарласан. Малчдыг нийгмийн даатгал, эрүүл мэндийн даатгалд хамруулж эргээд нийгмийн даатгалын сангаас
тэтгэвэр тэтгэмж авах эрхийг нь олгож нийгмийн баталгааг нь хангах зорилгоор
малчдыг даатгалтай болгох ажлыг НДХ-ээс эхлүүлж малчны хотонд нь очиж төрийн үйлчилгээг үзүүлэх гэнэ.

Уралдааныг
сурталчлахын тулд  малчин өрх бүрт хүрч ажиллах, НД-ын талаарх хууль тогтоомжийг танилцуулж ирээдүйгээ баталгаажуулах
боломжийг санал болгох юм. Уралдаанд оролцохын тулд малчид ямар нэг бүртгэл хийлгэх шаардлагагүй нийгмийн даатгалаа төлдөг байхад л хангалттай юм
байна. Иргэдийн хамгийн их үйлчилгээ авдаг төрийн байгууллагуудын нэг бол
Нийгмийн даатгалын хэлтэс байдаг. Иймээс нийгмийн даатгалын үйлчилгээг сайжруулж малчид
энэ үйлчилгээг авахад
гардаг чирэгдлийг багасгах зорилгоор мэдээлэл өгөх тусгай дугаар ашиглаж
эхэлжээ. Тус хэлтсээс зохион
байгуулсан энэ ажил энэ сарыг дуустал үргэлжлэх аж. 

Эх сурвалж: www.info.e-darkhan.com