Хүн төрөлхтний их баяр цэнгэл, өвлийн спортын XXI наадам Канадын Ванкувер хотноо энэ сарын 13-ны өдрөөс эхэлж 15 дахь буюу сүүлийн өдөртэйгээ золгож байна. Энэ хэд хоногт эр зориг, тэсвэр тэвчээрийн шалгуур болсон хоккей, биатлан, уулын цана, трамфлин, цас мөсний хаан тэшүүр, шорт-трейк, уран гулгалт гээд спортын 54 төрлөөр таван тивийн шилдгүүд агч модны навчисны орон болох Ванкуверт өрсөлдөж, үндсэндээ өнөөдөр өндөрлөх тийшээ орж байна. Өнөөдөр/ Ванкуверийн цагаар 28-ны өдөр/цанын 30 км-ийн эмэгтэйчүүдийн бөөн гараа, тэшүүрийн эмэгтэйчүүд, сноубордын эрэгтэй /пар.гиг.слалом/, кёрлинг, уулын цанын эрэгтэй слалом-ын тамирчид авхаалж самбаа хурд хүчээ сорин олимпийн алт, мөнгө, хүрэл медалийн эзэд тодроод байна. Хоёрхон хоногийн өмнө медалийн чанар чансаагаар тэргүүлж явсан Германууд аман хүзүүнд бичигдэж, харин дөрөвт явсан эзэн орон 13 алт, 7 мөнгө, 5 хүрэл нийт 25 медалиар итгэл төгс хошуучилж байна.

                Албан ёсны бус багийн дүн:/28-ны өдөр/