БНСУ-ын Цагаачлалын албаны төлөөлөгчид манай улсад өнөөдөр хүрэлцэн ирлээ. Гадаадын иргэн харьяатын асуудал эрхлэх газар болон БНСУ-ын Цагаачлалын албаны төлөөлөгчид дээрх газрын үйл ажиллагаатай танилцах, харилцан туршлага солилцох зорилготой ажээ. Хоёр талын албаны төлөөлөл Монгол Улс, БНСУ-ын иргэд харилцан зорчих нөхцлийг хөнгөвчлөх асуудлаар Монгол Улсын Засгийн газар, БНСУ-ын Засгийн газар хооронд 2012 онд байгуулсан хэлэлцээрийн талаар хэлэлцүүлэг өрнүүлнэ гэж ГИХАЭГ-ын хэвлэлийн албанаас мэдээллээ.