УИХ-ын гишүүн асан, Швед улсад Монгол Улсыг төлөөлөн суугаа Элчин сайд З.Алтай эх орондоо түр саатжээ. Өнгөрсөн нэгдүгээр сарын 31-нд элчин сайдын алба аваад эх орноо түр орхисон З.Алтай гишүүн өнөөдөр Төрийн ордонд ажил амжуулж яваа харагдана.  З.Алтай хувийн болоод хувьсгалын ажлаар Монголдоо түр саатаад байгаа нь энэ ажээ.

УИХ-ын гишүүн асан, ИЗНН-ын гишүүн З.Алтай 2008 оны УИХ-ын сонгуульд бие дааж өрсөлдөөд ялалт байгуулж, УИХ-д дөрвөн жил суусан. Өнгөрсөн жилийн сонгуулиар ИЗНН-аас нэр дэвшиж, өвдөг шороодсон тэрбээр сонгуулиас хойш нам жим байсаар оны дараахан Шведийн вант улсад элчин суухаар болсон билээ.

УИХ-ын сонгуулийн дараа “Үүргэвчтэй аялал”-аа үргэлжлүүлэх гээд тооны машин, газрын зураг бариад замын зардал, маршрутаа тооцож сууна гэж байсан тэрээр төрийн зардлаар “үүргэвчтэй аялах” болсон билээ.