Мэдээллийн хамгийн хурдтай хэрэгслийн тоонд зүй ёсоор багтаад буй олон нийтийн сайт болох твиттер өөрийн хөгжмийн үйлчилгээгээ гаргах тухай хэдэн сарын турш яригдаж байгаа билээ. Тэгвэл энэхүү яриа бодит болж, твиттерийн хөгжмийн арр өнөөдрөөс эхлэн ажиллахаар болжээ.

Уг хөгжмийн үйлчилгээ нь шинэ залуу уран бүтээлчдийг нээн илрүүлэхэд голлон анхаарч ажиллах гэнэ. Нэг ёсондоо твиттер од болон гарч ирж, олон дагагчийг татаж чадаж буй дуучид, хамтлаг, уран бүтээлчдийг нээн илрүүлж дэмжиж ажиллах гэнэ.

Гэхдээ илүү дэлгэрэнгүй мэдээллийг бяцхан “шувууд” маань тун удахгүй жиргэж эхлэх биз ээ.