Холливудын дуулиант хосуудын нэг Эштон Катчер, Мила Кунис нар саяхан Эштоны ээлжит шинэ уран бүтээлийн ажлаар Лондонд иржээ. Энэ үеэр мөн хосуудыг тойрсон ээлжит цуурхал дэгдсэн нь Милагийн экс найз залуу, “Гэртээ ганцаараа” киноны од Маколей Калкин тэдний байрласан буудлаас хэдхэн гудамжны зайтай Лондоны нэгэн буудалд байрласан тухай байв. Мила Эштоны хамт Лондоны “Covent Garden” зочид буудалд байрласан бол нэгэн цагт түүний хайрын романс гэгдэж байсан Калкин түүнээс холгүй “Shaftesbury Avenue”-ийн буудалд байрласан байжээ.

Алхах гишгэх нь цаг тутамд олны өмнө ил байдаг Милагийн өмнөх болоод одоогийн хайрын эзэд ийнхүү папараццичдын дуранд өртсөн байна. Энэ үеэр тэднийг өөдөөс өөдөөсөө харан мэндэлдэг эсэх нь гэрэл зурагчид болоод фэнүүдийнх нь хувьд  сонирхол татам агшин байсан бололтой.

Өдгөө 32 настай Калкин 2002 оноос хойш найман жилийн турш Милатай хайр сэтгэлийн холбоотой байж, хосууд хамтдаа амьдарч байсныг фэнүүд нь андахгүй бизээ. Калкиныг хар тамхи мансууруулах бодис ихээр хэрэглэх болсноос үүдэн Мила 2011 онд түүнээс харилцаагаа бүрмөсөн тасалж, Холливудын эрхэмсэг хатагтай нарын нэг Деми Мурын экс нөхөр Эштонтой  хайр сэтгэлийн романс үүсгээд байгаа билээ.