Японы Хүүхдийг ивээх сангаас Дэлхийн банкны санхүүжилтээр “Алслагдсан хөдөөгийн эмзэг бүлгийн хүүхдүүдийн бага боловсролын үр дүнг сайжруулах” төслийг Өвөрхангай аймгийн сумдуудтай хамтран амжилттай хэрэгжүүлж байна.

Одоогоор Зүүнбаян-Улаан, Бүрд, Есөнзүйл, Баян-Өндөр, Сант, Баянгол, Тарагт, Уянга, Богд, Хайрхандулаан суманд төслийн суурь судалгааны ажлыг эхлүүлж, 1160 иргэнд танилцуулан,  зорилтот бүлгийн 360 хүнийг хамруулсан 30 удаагийн бүлгийн сургалтыг зохион байгуулаад байгаа юм. Мөн дээрхи сумдын ЕБС-ийн дотуур байр, Номын сан, Соёлын төвийн үйл ажиллагаанд 10 асуулт бүхий шалгах хуудсаар үнэлгээ хийжээ. Төслийн үр дүнд хөдөөгийн 5-10 насны хүүхдүүдийн сургуулийн өмнөх болон бага боловсролын мэдлэг, чадавхи нэмэгдэх юм.