Жүжигчин С.Өлзийхүү дөрөвдүгээр сарын 8-ны 11.00 цагт Хэвлэлийн хүрээлэнгийн хурлын танхимд хэвлэлийн бага хурал хийхээр зар түгээжээ. Түүнийг урлагийн тоглолтын талаар ярих нь гэж бодтол хэвлэлийн хурлын сэдэв нь Сэлбэ голыг хамгаалах талаар ажээ. Сэлбэ голын эргийг эвдлэн, цэвэр усны ундарга болон ойр орчмын нийтийн эзэмшлийн зам талбай, ногоон байгууламжийг сүйтгэж, тухайн хэсгийн дулааны шугам сүлжээн дээр 16 давхар 240 айлын орон сууц барихаар улайран дайрч байгаа тухай жүжигчин найруулагч Ц.Хүсэлбаатар, С.Өлзийхүү болон “Нарлаг-78” СӨХ-ны удирдах зөвлөлийн гишүүд мэдээлэл хийхээр болжээ.