ОХУ-ын тэргүүн теннисчин, Мария Шарапова өнгөрсөн жилээс мэргэжил нэгт Болгарын Григор Димитровтай үерхэж буй талаар цахим хуудсууд мэдээлж байсан. Тэгвэл тэдний шинэ мэдээлэл http://hotnews.bg сайтад тавигдахдаа Албанид амрах талаар дурджээ. Тэд ирэх тавдугаар сарын 26-нд эхлэх “Францын нээлттэй тэмцээн”-ээс өмнө амралтын газар амрахаар шийдсэн бололтой. Таван одтой “Фламинго гранд” зочид буудлын есөн давхарын тусгай зориулалттай вип өрөөнд тэд захиалга өгсөн талаар дээрх сайт дудсан байна.

Өдгөө 21 настай Димитров Олон улсын эрэгтэй теннисчдийн холбооны шинэчилсэн чансаанд 35-д бичигдэж байгаа. Тэрбээр өнгөрсөн жил Машатай болзож байгаа гэх мэдээллийг няцааж байсан ч энэ удаа тэдний үйлдэл папариццидийн дурангаас холдож чадсангүй.

Талбайн теннисний дөрвөн “Их дуулга”-д бүгдэд нь түрүүлж үзсэн Шарапова өнгөрсөн жил Лондонгийн олимпийн наадмаас мөнгөн медаль хүртсэн. Олон улсын эмэгтэй теннисчдийн холбооны шинэчилсэн /04.01/ чансааг АНУ-ын Серена Уильямс тэргүүлж байгаа бол Шарапова хоёрт бичигдэж буй.