Гуравдугаар сарын 31-ний ням гараг буюу өнөөдөр “Автомашингүй өдөр буюу
машинаас татгалзах өдөр”.  Энэ өдөр Улаанбаатар хотын иргэдийг
автомашингүй явахыг уриалж буй бөгөөд хотын төв гудамжуудаар автомашины
хөдөлгөөнийг хориглосон байна. Нийслэлийн захиргаа, Замын цагдаагийн
газар хамтран энэхүү өдрийг зохион байгуулж буй бөгөөд Сүхбаатарын
талбайд дугуйн парад, гүйлтийн тэмцээн болон талбайн хүүхдийн гар
зургийн уралдаан, урлагийн тоглолт, бөмбөрийн хамтлаг, дугуйн үзүүлэх
тоглолт, эрүүл мэндийн мэдээлэл сургалт зохион байгуулахаар төлөвлөсөн
байна. 

Хязгаарлалт 17.00 цаг хүртэл үргэлжилнэ.