Исламын Магрибийн “Аль-Кайда” гэх террорист хөдөлгөөний зохион байгуулах зөвлөлөөр дэмжигдсэний дараа тус байгууллагыг Яхиа Абул Ханнам нэрээр алдаршсан 34 настай Жамаль Окаха гэдэг Алжир хүн удирдах ажээ. 

“Аль-Арабия” телевиз мэдээлснээр Окаха нь Исламын Магрибийн “Аль-Кайда”  салбарын удирдагч нарын нэг Абдельмалек Друкделийн баруун гар гэгдэх хүн байсан ба тэрээр 2009 онд Америкийн иргэн Кристофер Леггетийг хөнөөсөн хэргийг Мавританид (Christopher Leggett) биечлэн гүйцэтгэжээ.

Исламын Магрибийн “Аль-Кайда”-гийн өмнөх лидер Абдельхамид Абу Зеид өнгөрсөн хоёрдугаар сарын сүүлчээр малийн хойд нутагт эвслийн цэргийнхэнтэй хийсэн тулалдаанд амь үрэгджээ.

Абдельхамид Абу Зеид өөрийн хувийн “Аль-Фатихин” бригадыг удирдан Африкийн баруун хойд нутагт олон тооны гадаад хүмүүсийг баривчлан барьцаалж устгасан хэргийг зохион байгуулж байжээ.