БНХАУ-ын Ерөнхийлөгч Ши Жинпин анхны айлч­лалаа өнгөрсөн баасан гарагт эхлэв. Тэрбээр ОХУ-аас эх­лэн Өмнөд Африк, Конго, Тан­зани зэрэг оронд айлчлах тө­лөвлөгөөтэй байгаа бөгөөд энэ сарын 30-ны өдөр гадаад дахь айлчлал дуусгавар болох юм.

Өнгөрсөн баасан гарагт тэр­бээр ОХУ-ын Ерөнхийлөгчийн урилгаар Кремльд хүрэлцэн ир­сэн. Хоёр улсын эрчим хүч­ний, эдийн засгийн, гадаад бод­лого болон бусад олон улсын үйл явдлын талаар санал бодлоо ху­ваалцсан билээ. Мэдээж ОХУ-ын хувьд түүхий эдийн хамгийн том экспортлогч. Харин БНХАУ-ын хувьд хамгийн их үйлдвэрлэл хөгжсөн эрчим хүч худалдан авагч орон. Тэр ч утгаараа хоёр улсын хамтын ажил­лагаа өнгөрсөн жилд зөвхөн эрчим хүчээр 88 сая ам.долларын ашигтай ажилласан. Эдийн засгийн маш том орон зай БНХАУ-д бий. Тиймээс Владимир Путин хоёр орны хамтын ажил­лагаа, ойрын таван жилийн ирээ­дүй айлчлалаас хамаарах талаар уулзалтын өмнө онцолсон. 

Уулзалтын үеэр хоёр орны тэр­гүүд энэ сарын 26-27-ны өд­рүү­дэд болох БРИКС-ийн тав дахь удаагийн уулзалтад бүс нутгийн аюулгүй байдал, арлуудын мар­гаан, Сирийн нөхцөл байдал, АНУ болон Хойд Солонгосын хур­цадмал байдлын талаар са­нал бодлоо хуваалцсан юм. БРИКС-ийн уулзалт энэ сарын 26-27-ны өдөр Өмнөд Африкт бо­лох учиртай. Ажиглагчид энэ удаа­гийн уулзалтаар хоёр орны төрийн тэргүүн нар дээрх асуудал дээр ижил байр суурьтай байх болов уу гэсэн таамагтай байна. 

Айлчлалын үеэр В.Путин “Ма­най хоёр улсын хамтын ажил­лагаа маш сайн байгаад би ба­хар­хаж байна. Цаашид ч энэ хэвээрээ байна гэдэгт эргэлзэхгүй байна. Орос, Хятад  улс нь олон улсын нийгэмлэгийн нөлөөтэй хоёр гишүүн байсаар ирсэн. Бүс нутгийн аюулгүй байдлын тө­лөө хамтдаа тэмцэнэ. НҮБ-ын Аюул­гүйн зөвлөлийн байнгын гишүүн, манай  хоёр улс дэлхийн эдийн засагт томоохон нөлөөтэй. Тиймдээ ч эдийн засгийн чухал холбоо манай хоёр улсын ирээдүйг улам баталгаажуулна. Мөн армийн хамтын ажиллагаа ч чухал гэдгийг онцолмоор байна. Манай хоёр улсын хооронд тогтсон стратегийн түншлэл нь хоёр талын төдийгүй дэлхийн хэмжээний чухал ач хол­богдолтой гэдгийг хэлэхэд таатай байна” хэмээжээ. Харин Ши Жин­пин “Стратегийн хамтын ажил­лагааны түншлэлийг бүх талаар дэмжиж, хөгжүүлэхэд БНХАУ бэ­лэн байна. Хоёр улсын хамтын ажил­лагаа олон зуун жилийн түүх­тэй. Өвөг дээдсийн сайхан уламжлал, хамтын харилцааг үр­гэлж­лүүлэн авч явах нь бидний үүрэг. Гадаад дахь айлчлалаа ийн­хүү ОХУ-аас эхэлж байгаад баяр­тай байна” хэмээн мэдэгдсэн юм.

Ши Жинпин ирэх сарын 3-5-ны өдөр Ерөн­хий­лөгчийн суудлаа албан ёсоор хү­лээн авна. Дараа жил хоёр улс дип­ломат харилцаа тогтоосон 65 жилийн баяр тэм­дэглэх юм. Одоогоос дөрвөн жи­лийн өм­нө буюу 2009 онд Хятад Оро­сын найрамдлын нийгэмлэг бай­гуулагдсан 60 жилийн ойг тэм­дэглэх хүлээн авалт Бээжинд болж байсан билээ. Түүхэн талаасаа ч маш эртний харилцаатай байсаар ирсэн. ЗХУ задрахад БНХАУ ОХУ-тай дип­ломат харилцаа тог­тоосон. Энэ үеийг тус хоёр орны харилцаан дахь цоо шинэ эрний эхлэл гэдэг бө­гөөд түүний үндэс суурь нь М.Гор­бачевын үед тавигдаж байж. Уг нь анх “сайн хөршийн харилцаа” гэж нэрлэгдэж байсан бол удалгүй “ха­рилцан ашигтай хамтын ажил­лагаа” хэмээн өөрчлөгдсөн. Үүнээс хоёр жилийн дараа “стратегийн түнш­лэл” хэмээн хоёр улсын хам­тын ажиллагааг тодорхойлдог болсон юм.

Хоёр орны хамтын найрсаг харилцааг маш олон жишээгээр тодотгож болно. Жишээ нь, Вла­димир Путин энэ сарын 15-ны өдөр БНХАУ-ын шинээр сонгогдсон Ерөнхийлөгч Ши Жинпинд ут­саар баяр хүргэсэн. Владимир Пу­тин шинэ тэргүүний төрийн хариуц­лагатай албан тушаалд амжилт хүссэн бөгөөд хоёр орны хооронд стратегийн түншийн харилцаа хөг­жиж байгаад сэтгэл ханамжтай байгаагаа илэрхийлсэн удаатай.

Ямартай ч хоёр хөршийн тө­рийн тэргүүд бүх чиглэлд хам­тын ажиллагааг өргөжүүлэх сонир­холтой байгаагаа айлчлалын үеэр илэрхийлж, олон улсын тав­цан дээр хамтын ажиллагаагаа улам бэх­жүүлэн эдийн засгийн зог­сош­гүй эргэлтийн төлөө хамтран ажил­лана гэдэгт найдаж байгаагаа илэрхийлсэн.

Дэлхийн бусад гүрнүүд БРИКС-ийн уулзалтаас хоёр улсын нөлөө хамгийн чухал гэд­гийг онцолж байгаа бөгөөд бус нутгийн аюулгүй байдал БНХАУ-д маш чухал гэдгийг Ши Жинпинг айлчлалынхаа үеэр хэлсэн.