Аутизм буюу бусдаас өөрийгөө тусгаарлах эмгэгтэй хүүхдүүдэд робот багшаар хичээл заалгах сонирхолтой санааг “Vanderbilt” их сургуулийн хэсэг эрдэмтэд сэджээ. Тэдний үзэж буйгаар энэ төрлийн эмгэгтэй хүүхдүүд бусад хүүхдүүдтэй нэг анги танхимд хичээллэж, боловсрол эзэмших нь хүндрэлтэй байдгаас ихэнх нь гэртээ сууж, өөрийгөө хөгжүүлэх боломжгүй үлддэг байна. Тиймээс тэдгээр хүүхдүүдийг сонирхолтой байдлаар хүнтэй адилхан робот багшаар дамжуулан сургах нь хамгийн шилдэг санаа гэж үзжээ.

Робот багшууд нь хүүхдийн нас насанд тохирсон байдлаар програмчлагдсан байх ба зөвхөн мэдлэг олгоод зогсохгүй бусадтай хэрхэн харьцах, нийгэмших зэрэг олон талаар сургах юм байна.