ГЕГ-аас 2011 оныг “Гаалийн үйлчил­гээг олон улсын жишигт хүргэх жил” болгосонтой холбогдуулан Дархан-Уул аймаг дахь Гаа­лийн газраас аж ахуйн нэгж, байгууллагуудын дунд “Харилцагчдын уулзалт” зөв­лөгөөнийг Сэлэнгэ аймгийн Ерөө сумын нутаг Хандгайт дахь Гаалийн салбарт зохион байгуулав.

Уулзалтад ГЕГ-ын дарга Д.Цэ­вээнжав, Санхүү, эдийн засгийн хэлтсийн дарга Өлзийбат, Гаа­лийн хяналт,бүрдүүлэлтийн хэлт­сийн дарга Д.Баасан, Гаалийн төв лабораторийн эрхлэгч Н.Цолмон, мөн УБТЗ-ын Дархан өртөө, Дар­хан-Уул, Сэлэнгэ аймаг дахь МҮХАҮТ–ийн салбар, Туушин, Манбу, Болдтөмөр ерөө гол, МН ба АХАС, Асмос, Ган эрдэс хүдэр, Бэйди-юантун, Туулын гүүр далай, Бластфурнас плант, Жөменкуане, Мөнх ариун ундрах зэрэг ХХК-иуд, “Голомт банк”-ны төлөөлөгчид оролцов.

Зөвлөлгөөнөөр Гадаад худал­дааны гэрээг хэрхэн байгуулах түүнд тавигдах нөхцөлүүд, экс­портын бараанд шаардагдах би­чиг баримт, уул уурхайн экс­пор­тын бүтээгдэхүүний гаалийн бүрдүүлэлт, борлуулалтын үнэл­гээг жишиж үнэлэх аргач­лал болон шийдвэрлүүлэх асуудал, гаалийн хяналтын бүсэд тавигдах шаардлага, захиалга дуудлагаар гаалийн бүрдүүлэлт хийх болон экспортод холбогдох хууль тог­тоомжийн талаар илтгэл тавьж оролцогчдын асуултад хариул­жээ.
Цаашид гаалийн хяналтын бүсэд ажлын бус цагаар ажиллах тохиолдолд төлбөртэй үйлчлэх, илүү цагийн хөлсийг олгох, Геологийн төв лабораторитай он­лайнаар мэдээлэл солилцож дүгнэлтийг нь цахим хэлбэрээр авах ажлыг зохион байгуулах талаар харилцан санал солилцов.