Орхон аймагт дөрөв дэх жилдээ “Нэг цонхны үйл­чил­гээ”-гээр иргэдэд үйлчилж байна. Өнгөрсөн долоо хоногт тус үйлчилгээнд аймгийн Гаалийн байгууллага нэгдэж, үйл ажиллагаагаа иргэдэд хүргэхээр болжээ. Тус “Нэг цонхны үйлчилгээ”-нд аймгийн Засаг даргын Там­гын газрын мэдээлэл өгөх төв, Нийгмийн даатгал, ХААН банк, Хөдөлмөр халамж үйлчилгээний төв, Бизнес ширээ, нотариат зэрэг иргэдэд хэрэгцээ бүхий үйлчилгээг нэг дороос хүргэдэг аж.