Их Британийн ажилгүйдлийн хэмжээ гурван сарын туршид 7500-д хүрч одоогийн байдлаар 2,52 сая иргэн ажилгүй байгаа аж. Шинжээчдийн үзэж буйгаар өнгөрсөн оны 11 сараас, энэ оны нэгдүгээр сарын хооронд ажилгүйдлийн хэмжээ ийнхүү нэмэгдсэн байна. Их Британийн үндэсний статистикийн газрын мэдээллээс үзвэл өнгөрсөн оны зургадугаар сард хамгийн доод үзүүлэлт буюу 1,54 сая хүн ажилгүй байжээ.

“Хамгийн эхэнд евро бүсийн хямрал нөлөөлж байгаа. Үүнээс шалтгаалаад манай улсын эдийн засаг маш бага хэмжээгээр өсөх болсон. Идэвхитэй ажил хайгчид хөдөлмөрийн зах зээл дээр их байгаа үндэсний хэмжээнд үйл ажиллагаагаа явуулж байгаа компаниуд төсвөө танах, ажилчдаа цомхотгох хандлага ажиглагдаж байгаа учраас шинэ ажлын байранд зуучлахад үнэхээр хүнд байна” гэж Их Британийн хөдөлмөрийн яамны сайд Марк Хобан ярьжээ. Мөн 16-24 насны залуусын дунд ажилгүйдэл өнгөрсөн гурван сарын хугацаанд 21,2 хувиар нэмэгдсэн байна.