Дизайннер Карл Лагерфельд дэлхийн хувцас загвар, гоо сайхны ертөнцтэй салшгүй холбоотой өдгөө брэнд болон хэвшсэн загвар зохион бүтээгч “Chanel” брэндийг үндэслэгч Коко Шанель бүсгүйн тухай богино хэмжээний кино хийх болсон талаараа мэдэгджээ. Уг кинонд Холливудын нэрт жүжигчин Кейра Найтли гол дүрд нь тоглох гэнэ. Түүнчлэн уг кинонд Кейра Найтлигаас гадна Францын нэрт жүжигчин Клотилд  Хемс Кокогийн авга эгч Эриний дүрд тоглох юм байна.

Карл Лагерфелд “Chanel” брэндийн өдгөө 100 жилийн ойд зориулж уг киног өөрөө найруулж байгаа нь энэ аж. Тэрээр өмнө нь хөгжимчин Жеймс Райтонтой өнгөрөгч онд хуримаа хийсэн Найтлигийн хуримын даашинзыг урлаж байжээ.

Найтли нэрт загвар зохиогчийн кинонд тоглох болсон талаар “Harper"s Bazaar”-т өгсөн ярилцлагандаа “Карл бол маш гайхалтай дизайнер, хурц шүүмжлэгч.

Би түүнтэй уран бүтээлийн хамтрагчид болж байгаадаа сэтгэл хангалуун байна” гэжээ. Кино ирэх тавдугаар сараас Сингапурт болох “Chanel”-ийн загварын шоун дээр эхлэн үзэгчдийн хүртээл болох гэнэ.