Урд өмнө аналог буюу цаасан хэлбэрээр боловсруулагдаж, ашиглагдаж байсан байр зүйн суурь зургуудыг өнөөдөр дэвшилтэд технологийн тусламжтайгаар тоон хэлбэрт буюу вектор форматанд шилжүүлснээр тоон зургийг ашиглах хэлбэр нь улам боловсронгуй болж, улс орны эдийн засгийн гол тулгуур болдог зам тээвэр, барига байгууламж, шугам сүлжээ, цахилгаан холбоо, усан хангамж, газрын баялгийн менежмент гэх мэт салбаруудын шинж чанарын мэдээллийг орон зайн буюу байрлалын мэдээлэлтэй холбон үүсгэж, бодит үнэн зөв мэдээллийг авах боломж бүрдсээр байна.
Засгийн газрын 2008 оны 77-р тогтоолд "Монгол Улсын хаягжилтын систем нь орон зайн мэдээллийн дэд бүтэц дээр суурилна", ЗГ-ын 2008 оны 78-р тогтоолоор батлагдсан "Бүртгэл мэдээллийн нэгдсэн тогтолцоог бий болгох" үндэсний хөтөлбөрт "Бүртгэлийн нэгдсэн тогтолцоо нь орон зайн мэдээлэл дээр суурилна" зэрэг стратеги зорилтуудыг холбогдох хууль тогтоомжид тусгажээ.
Уг төслөөр улс орны эдийн засгийн чухал салбаруудын мэдээллийг байршлын мэдээлэлтэй нь холбон үүсгэж, бодит үнэн зөв мэдээллийг өнөө үед интернет ашиглан хэрэглэгчдэд түргэн шуурхай хүргэх ач холбогдолтой юм.